Homeopatie in Interlingue (ex Occidental)

(Interlingue quo oferta se quam cemente ínter li poples occidental pro que nequel altri lingue posse esser leet tam spontanmen e facilmen per tant de gentes! Con ti libre, ne es necessi de redacter un Repertorium e un Materia Medica in mult lingues: Omni gentes posse leer li sam libre in Interlingue mem sin aprender Interlingue antey e, tal, nequí deve reinventer li rot in pluri lingues!)

Advertiment

Li discussion si o si no li homeopatie posse esser util ha in ti libre absolumen nequel importantie:

Ti libre proposi se de transmesser solmen li contene de libres tal quel e sub form reductet, pro que li ovres complet e tro voluminosi! Ples evitar de polluer it con declarationes contradient: it ne es plazza de discussion ma un libre! Mersí...

Letores ples, on vu averti ci que:

Homeopatie es medicine contestat.
Homeopatie ne es explicabil secun li legas del fisica.
Secun li legas del fisica, li homeopatie ne es possíbil altrimen quam efecte placebo.
Li assertion frequent del promoetores del homeopatie, que li homeopatie ne posse nocer, ne posse esser pruvat in li signification scientífic del parol "pruvar" pro que secun li scientie ne posse haver de action! Solmen li potenties bass vell posser haver li effectes activ nociv (de natura alopatic) del materie de quo it es fat! Ti potenties tre bass ne es vendit líbermen!
Li homeopatie basa se solmen pri li observation e li experimentation práctic secun regules strict e precisi ínchangeat. Li observation e li experimentation confirma li sam conclusiones desde plu quam 200 annus!

(Ti advertiment es scrit per un adepte convictet del utilitá del homeopatie!)

Anteparole

Li homeopatie basa se pri li laboras de Samuel Hahnemann, qui esset li iniciator de ti maniere de sanar. Li ovrage fundamental de ti es li libre Organon de Samuel Hahnemann. Ti libre aparit ante omnicos in german. Li edition recentíssim de Samuel Hahnemann in german esset de 1833. Plu tard Samuel Hahnemann vivet in Paris.

Samuel Hahnemann publicat ovrages altri, quo forma hodíe ancor li fundament del homeopatie.

Pluri homeopates important developat tecnicas complementari quo agrandi li númere de casus u li homeopates vole intervenir por sanar.

Omni ti tecnicas esset compilat in du ovres (actualisat per autores divers e quo oferta por ti cause standes diferent) :

- li gruppe del "repertorium",

- li gruppe del "materia medica".

Repertorium

On nomina "repertorium homeopatic" li ovre u on sercha li remedes quo have li plu de similitá con li situation de sante del malade. Sovente, li malade plendi pro truble principal actual de su sante (per exemple un maladie actual e passagi in circulation a ti témpor) ma a situation de sante problematic. Li "repertorium" permisse de selecter li remede recomendat por li plu grand númere de su trubles nam li remedes ne ha li sam recomendationes ma ha chascun su spectre specific de recomendationes omni diferent.

Vider: James Tyler Kent - Vider: William Boericke

Materia medica

On nomina "materia medica" li ovre quo specifica por chascun remede quel es li recomendationes specific quo it have.

Pos haver trovat un remede per compilation in li "repertorium homeopatic", on vérifica in li "materia medica" si it es corect o on compara pluri remedes con li auxilie del "materia medica" si on trovat pluri remedes sin posser decider quo selecter. It es tre important de selecter li remede li plu apt efectivmen secun li "materia medica"!

It es li base de tractament bon homeopatic!

Vider: Konstantin Hering - Vider: William Boericke - Vider: John Henry Clarke - Vider: Othon-André Julian - Vider: Hans-Heinrich Reckeweg

Flora homeopatic

It es solmen flora ma quo tracta particularimen li aspectes del botanica quo es interessant in li homeopatie.

Vider: Eduard Hamilton - Vider anc: Werner Christian Simonis

Altri auxilies por li usagie del homeopatie

Por li apotecarios, qui have a fabricar li remedes existe naturalmen regules de fábrication del remedes homeopatic.

Por li "homeo-idealistes", qui es médico o malade, existe divers instrumentes por rendir maxim li labor de sercha del medicament li plu adaptat.

Ti instrumentes posse esser considerat quam extractes selectiv del repertorium e del "materia medica" in órdine diferent! It facilisa solmen li sercha!

Exemples de instrumentes de sercha:

Repertorium clinical

Li classification es secun li maladie. Naturalmen, ti metode es ja tre diferent del homeopatie real: on ne prende in consideration que un sol aspecte del malade - su maladie principal actual! Li justification es que por maladie divers medicamentes precisi es conosset quam tre eficaci. ma it vell esser erra grav de préferer ti metode al repertorisation clássic quo sol permisse de definir li medicament li plu adaptat.

Vider: John Henry Clarke - Vider: William Boericke

Simptomas duetor in terapie homeopatic

On ea al incontra de li selection bon per comparation de pluri medicamentes conosset por li resultates bon in tal situationes.

Vider: Eugène B. Nash

Liste del simptomas "quam si"

Li malades expresse sovente lor mal diente "it es quam si ...". Li observation del eficacitá del medicamentes sub ti aspecte monstrat que it es criterie util de selection.
Vider: Konstantin Hering

Listes del medicamentes o alimentes quo contraria

Li homeopatie pur usa solmen un medicament! Por far ti, studie precis del malade de maniere global es índispensabil. Por ti motive, divers homeopates prescri combinationes de medicamentes o medicamentes combinat (quo li fabricantes farmaceutic elabora specialmen por situationes special: por exemple trubles devet a refrigidation, o trubles del véssice, etc.).

Ma on save que:

a) divers alimentes gena cert medicamentes

b) divers medicamentes gena considerabilmen li action del medicamentes homeopatic

c) divers medicamentes homeopatic gena considerabilmen li action de cert medicamentes homeopatic a tal punctu que on posse parlar de antidote

Formes special del homeopatie

Divers formes special del homeopatie esset developat:

por ex.:

homeopatie del potenties elevat secun li édition edition sixésime del Organon de Samuel Hahnemann, qui esset li iniciator de ti maniere de sanar.
homeopatie tal que usat in médicin antroposofic quo se basa pri li ovres de Rudolf Steiner, e es docet al Universitá de Herdecke in Herdecke-Witten (Germania)
homeopatie in li form special del médico german Hans-Heinrich Reckeweg qui fundat fábrica de medicamentes homeopatic.
tractament de constitution e de temperament: li medicos homeopatic observa li totalitá de lor malades (médicin holistic) e constatat que li homanes apartene a categories de gentes videt pri li ángul medical e que divers medicamentes tre precisi es util por ti gentes quam tractament de constitution.

Litteratura gratuit pri li homeopatie

Numerosi fabricas de medicamentes homeopatic distribue pos demand informationes e publicationes quelcvez tre important pri li homeopatie e informationes sur lor págines de interrete:

America:

Europa:

Medicamentes homeopatic ver, particularimen medicamentes simplic (atention, ti fabricas producte anc medicamentes composit!):

Medicamentes derivat del homeopatie (= composit):

sede special meditonsin de Medice

o have editiones de libres a ellas.